Sakadang anjing dibere sapotong tulang, terus manehna lumpat satarik nakeran balik ka imahna bangun nu bungah pisan. Mangsa ngaliwat ka hiji cukang leutik luhureun leuwi, anjing eta teh tungkul ka handap. Gebeg teh! Manehna nempo bayanganana sorangan mantul ti cai handapeun cukang. Anjing nu sarakah ieu nyangka nempo ANJING LAIN nu sarua keur ngagegel tulang nu leuwih gede tibatan milikna. Mun tea mah manehna daek mikir sakedapan, pasti nyaho yen eta teh bayangan dirina wungkul. Hanjakal we manehna teu mikir nanaon, malah mah ngaleupaskeun tulang nu digegelna bari luncat ka jero leuwi. Anjing sarakah eta ahirna satekah polah ngojay ka sisi leuwi. Sanggeus salamet ka sisi leuwi, manehna diuk bari ngalamun, ngembang kadu kusabab tulang pamere teh leungit dina leuwi. Ngarasa handeueul sagede gunung pedah geus sadar kana kabodoan dirina. Makhluk bodo nya boga sifat sarakah teh geuning, geretesna. (Dicutat bebas tina http://www.ceritakecil.com)

AESOP

Karek bijil dewek mah. Lain bijil ti kandungan indung. Uh....eta mah geus puluhan taun ka tukang atuh! Maksudna karek hasil nyieun blog pisan. Ngke dek ngisikeun "wawaksara" jeung THE DOCTOR, Valentino Rossi. Salah sahiji ti tilu legenda hirup nu nu kasaksian ku dewek kiprahna di dunya otomotif. Hiji legenda lainna mah nyaeta Michael Schumacher, nu geus kahot ti F1. Nu terakhir mah Sebastian Loeb nu nyongcolang prestasina ti World Rally Championship. Schummy mah geus teu aktif di lintasan balap, pangsiun thn 2006. Ari Rossi jeung Loeb mah bisa keneh aktif 2 nepi 5 taun deui. Mahiwal oge sih pangaresep teh. He-eh, pan dewek mah teu becus naek motor motor acan...! Pon kitu mobil. Gableg ge henteu...! Motor mah aya eta ge nu lanceuk. Bisa soteh ....teorina wungkul! Beu! Geuning era oge jujur kieu mah euy. Aeh, pan dewek teh dek nulis "wawaksara" jeung THE DOCTOR tea nya. Ngke deui we ketang. Cape jempol euy ari mijetan wae tombol teh. Mun mijet nu lain mah SUMANGET! Apal meureun sumanget mijet naon? BEEEEL.....!